كتب منيب حمودة
حبيت أحكي بالبلدي المحلي الصريح ..
بلا منها اللغة والبلاغة خليها لأصحاب الخطب !؟
بخصوص غزة يا صاحبي؟؟!!
ولماذا يتعجل نتنياهو !؟
يعني ليش يستعجل ؟!
60% من غزة صارت عنده ؟!
ولسان حاله بقول للشعب الفلسطيني في غزة ::
خليكم في خيام تجروا ورا التكيات والجمعيات !؟
لا مدارس لا مزارع لا مصانع لا كهرباء لا ماء لا بنية تحتية !؟
بكفي كم مطعم شاورما !؟ وكفي شوب !؟
ونقط شحن للجولات ؟!
وفرقة حرامية من المبادرين والمبادرات !؟
وجيش من المنافقين والمنافقات والسحيجة والسحيجات !؟
وعشر ملثمين بيتحكموا في شو مسموح ينحكى في البلد وإللي مش مسموح !؟
والحجر الأصفر كل يوم بينزاح لغربا !؟
وما شاء الله تبارك الله على المعبر !؟
على هالحال بدنا خمس سنين تنطلع المرضى والجرحى !؟
والحكومة مش مغلبها إلا سفر الحجاج !؟
شفت التقوى !!؟؟
وعندك 12 ألف معتقل في سجون الاحتلال !؟
معرفناش نطلعهم وإحنا معنا 250خنزير !؟
وعندك 1800ناجي وحيد من عيلته !؟
وعندك 1900عيلة شطب من السجل !؟
ومعندكش مدارس ولا جامعات ولا لابتوب ولا خط نت وطلاب توجيهي الساقط فيهم طلع بثمانين في الميه !؟ مش عارف إيش قصد وزارة التربية ؟!
والعروس الفالحة اللي بيصحلها خيمة قبة تنستر فيها مع المسخمط !؟
ويا ويلي عليك لو زعلت منك إدارة مخيم الإيواء !؟
الخبز ما بتشوفه !؟
والمصيبة حبيبي سامح العمصي كل يوم بيطلع من النويري على السرايا راكب عرباية حمار وبيتصفح النت على جواله أي هو بيزبط نت وجوال على كارة !؟
يعني بيزبط هلقيت نصور صلاح الدين راكب إف 16 !؟
وهو بيزبط حوار مع ركاب عرباية يا أبو النور !؟
أي في ستوديو مكيف ضربوا بعض مع فيصل القاسم !! هههههههههههه
تفضل يا خوي وأنا بكتب والبحرية نزلت خبط في حسكات الصيادين الغلابا !؟
واخوك أبو خالد محمد يحيى العزايزة مستعجل بده يصحى على ليلة القدر
علشان يدعي على معين شلولة يستشهد ويسيب كل إللي كانوا سبب إللي إحنا فيه !؟
يا ابو خالد إمام الحرم منفعش دعاه بدك دعاك في الدير يزبط ؟!
أسأل صاحبنا جابر العزايزة
واحكيله
يا زلمة كان 1200جامع اسمنت مسلح مع بدروم وثلاث طوابق ومئذنتين و12ميكرفون !؟
وفي الأخير طلعت البلد كلها صرافين وسيولة وتطبيق ومحفظة وربا ومبادرين !؟ ومبادرات ؟
وإللي انتوا عارفينهم على دوار النخيل بيبيعوا حنة !؟
إحنا الله اطلعلنا إنه قفل زيكيم والأمريكي ولا كان قلطنا المتين ألف شهيد طحين !؟
يا حبيبي هذينا لنا ثمانية أيام !؟من ساعة حرب إيران…
بنتقاتل مع بعض مين مع إيران ومين مش معها ؟!
مين مع قصف السعودية ومين ضد !؟
وإحنا بنتقاتل أبصر مين سكر على الطحين وخبا السكر والسيرج والبيض والحليب والله والبصل والثوم والملح والخميرة ؟!
مين خباهم وين خزنهم مش عارف خوفي يكون حطهم ورا الحجر الأصفر !؟
وإللي محيرني يا أبوحسام م. عادل ابو لبدة
وين خبو الغاز !؟
أنا مقدر ظروفك اللك شهر بدخن ملوخية ناشفة الله يرحم ستك كانت تطبخها بيصارا !؟
واخونا جميل عبد النبي ومروان طبيل ..
معهمش خبر إنه قطر طلبت من الجماعة يستنكروا ويدينوا هجوم إيران على الدوووووووووحة !؟
وإلا اه يرجعوا المصاري بالأغورة !؟
وهذا مجتبي بن علي مش حيجيبها البر ؟!
أول قرار أخذه حبس ترامب !؟
خصوصا مثل ما حكى
د. زياد أبويوسف
200مئتين جندي امريكي نزلوا على شواطئ إيران فالحرس الثوري قتل منهم 300وجرح 200واسر40 ؟!
لكن الدكتور أبو يوسف نسي يقول أن فيلق القدس صادر الطيارات إللي نزلتهم !؟
وأخوي المستشار مهيب حمودة بيطلب مني أحدد وأخذ موقف مع إيران ولا مع الأمريكان ؟!
أنا مش فاضي يا بني آدم
أقرر موقف و أنا واقف
والله واقف عارف مع مين يا مهيب واقف مع طابور شحن الميه الحلوة !؟
وأم فادي بتغسل مواعينا وصحونا وطناجرنا على شط بحر خانيونس !؟
أي وجهك عليها يا أبو الأمير الغالي اللواء رياض حلس
لما يصير عندي خنفية ميه لأخذ موقف ؟
ولما اللجنة المصرية بارك الله فيها تعمل للختيرية إللي مثلي ومثل أم فادي حمام ؟! ( دورة مياه )
بأخذ موقف !؟
يا أخوي أنا مع حاااااااالنا
مع حالنا ومش ملاحق ولا قادر !؟
كيف أقف مع غيري وأنا مش مع حالي !؟
شوف يا صاحبي خالد محمد الغزالي ..
بخصوص الذباب الألكتروني إللي أنت عارفه
على رأي إخوانا المصريين
طول ما الزبالة عليها ذبان حتفضل فاكرة نفسها عسل
واحكيلهم الزبالة بتفضل زبالة والذبان عمره ما بيصير نحل يجيب عسل !؟
وللحديث بقية ؟
تقبل الله منكم الصيام